ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

សម្តេចតេជោ អំពាវនាវដល់និស្សិតនៅអ៊ីស្រាអែលរក្សានូវសុវត្ថិភាពផ្ទាល់ខ្លួន និងស្តាប់តាមបទបញ្ជារបស់អាជ្ញាធរអ៊ីស្រាអែល

  • ចុះផ្សាយថ្ងៃទី០៨ ខែតុលា ឆ្នាំ២០២៣ ម៉ោង ០៧:៣១ នាទី ដោយ Sao SokEng
  • 1672
  Aa |   aA

ភ្នំពេញ៖ អតីតនាយករដ្ឋមន្ត្រីកម្ពុជា សម្តេចតេជោ ហ៊ុន សែន ក៏បានចេញសារសំឡេងអំពាវនាវដល់ពលរដ្ឋ និងនិស្សិតខ្មែរដែលរស់នៅ និងសិក្សានៅប្រទេសអ៊ីស្រាអែល ខិតខំថែរក្សាសុវត្ថិភាពផ្ទាល់ និងស្តាប់តាមបទបញ្ជាណែនាំរបស់អាជ្ញាធរអ៊ីស្រាអែល។

សម្តេចតេជោ ហ៊ុន សែន បានថ្លែងដូច្នេះថា៖«ការប្រយុទ្ធលើកនេះ គឺជាការប្រយុទ្ធទ្រង់ទ្រាយធំដែលមិនធ្លាប់មានពីមុនមកដោយក្រុមហាម៉ាស់វាយលុកមកក្រុមអ៊ីស្រាអែលដែលតម្រូវឱ្យក្រុមអ៊ីស្រាអែលត្រូវធ្វើការវាយបកដើម្បីការពារប្រជាជននៅក្នុងតំបន់នោះរាប់ទាំងនិស្សិតរបស់យើងផងដែរ‍‍‍»។

សម្តេចតេជោបានណែនាំឱ្យពលរដ្ឋ និស្សិតខ្មែរនៅអ៊ីស្រាអែលត្រូវស្ងប់ចិត្ត ខណៈរាជរដ្ឋាភិបាលកំពុងតែយកចិត្តទុកដាក់ និងការពារសុវត្ថិភាពដល់និស្សិតខ្មែរនៅទីនោះ។ សម្តេចតេជោ គូសបញ្ជាក់ថា សម្តេចអំពាវនាវបែបនេះក្នុងនាមជាប្រធានគណបក្សកាន់តំណាងដើម្បីចូលរួមជាមួយរាជរដ្ឋាភិបាលដោះស្រាយកង្វល់ទាំងឡាយរបស់និស្សិតខ្មែរនៅរស់នៅអ៊ីស្រាអែល និងដោះស្រាយនូវការព្រួយបារម្ភរបស់ក្រុមគ្រួសារដែលរស់នៅក្នុងប្រទេសកម្ពុជា។

សម្តេចតេជោ អះអាងដូច្នេះថា៖«សូមជនរួមជាតិរក្សាភាពស្ងប់ស្ងាត់ និងជឿជាក់លើសមត្ថភាពដោះស្រាយបញ្ហារបស់អាជ្ញាធរអ៊ីស្រាអែលក្នុងការប្រឆាំងជាមួយនឹងកម្លាំងភរវកម្មរបស់ពួកហាម៉ាស់នៃក្រុមប៉ាឡេស្ទីន។ យើងនឹងខិតខំធ្វើដើម្បីការពារអាយុជីវិតប្រជាជនរបស់យើង នោះគឺនិស្សិតដែលកំពុងសិក្សាជាង៤០០នាក់ នៅអ៊ីស្រាអែល‍»។

សម្តេចតេជោ ក៏បានណែនាំឱ្យក្រុមគ្រួសារ ឪពុកម្តាយ ត្រូវទាក់ទងជាប់ជាប្រចាំជាមួយកូនចៅដែលសិក្សានៅប្រទេសអ៊ីស្រាអែលប្រាប់ដល់ពួកគេ(និស្សិត)ត្រូវតាំងចិត្តកុំមានការភិតភ័យដែលអាចបង្កទៅជាបញ្ហាមួយផ្សេងទៀត។

សម្តេចតេជោ បញ្ជាក់ថា សម្តេចនឹងនៅតែបន្តតាមដានអំពីបញ្ហានេះជាមួយនឹងនាយករដ្ឋមន្ត្រី ក្រសួងការបរទេស ក្រសួងកសិកម្ម និងអាជ្ញាធរពាក់ព័ន្ធផ្សេងទៀត។

គូសបញ្ជាក់ថា ប្រទេសអ៊ីស្រាអែល រងការវាយប្រហារពីក្រុមឧទ្ទាមហាម៉ាស់កាលពីថ្ងៃទី០៧ ខែតុលា ឆ្នាំ២០២៣ ដោយសម្លាប់មនុស្សជាង២៥០នាក់ ហើយមនុស្សជាច្រើននាក់ត្រូវបានចាប់ធ្វើជាចំណាប់ខ្មាំង៕


ព័ត៌មានជាច្រើនទៀតសម្រាប់អ្នក